Books LIVE Community Sign up

Login to BooksLIVE

Forgotten password?

Forgotten your password?

Enter your username or email address and we'll send you reset instructions

Books LIVE

Jonathan Ball

@ Books LIVE

Jonathan Ball Latest

Brutale roman gegrond op ’n ware verhaal: Van Skoolbank tot Bordeelbed deur Jaco Hough-Coetzee en Elanie Kruger

Van Skoolbank tot BordeelbedVan Skoolbank tot Bordeelbed deur Jaco Hough-Coetzee en Elanie Kruger, met ’n voorwoord deur Hykie Berg, verskyn eersdaags op Jonathan Ball se rakke:

Die man wat haar eerste kliënt sou wees, draai om na sy klere agter hom op die hangers teen die muur.
“Ek moet hier uit … Meneer, ek is nog ʼn kind, Meneer! Bel net die polisie dat hulle my kan kom haal!”
“Ek glo dit nie,” skud hy sy kop. “Ek glo waaragtig nie wat ek nou hier hoor nie! Weet jy … weet jy dat …” Dan is hy uit by die deur.
“Help my, Meneer! Help my asseblief!” roep Engela agterna toe hy vinnig in die gang af verdwyn.

As 16-jarige vlug Engela na Bloemfontein, want die leier van die Sataniese Groep 13 wil haar doodmaak. Haar paaie kruis met dié van Pieter, ’n vriend van haar broer, wat haar aan ʼn bordeel-eienaar uitlewer as betaling vir die geld wat hy hom skuld.

Na ’n haglike en armoedige kinderlewe raak Engela as rebelse tiener deurmekaar met Satanisme, drank en dwelms en word uiteindelik as seksslaaf aangehou. Haar enigste begeerte is om te ontsnap, maar hoe? Elke aand word die klub se deure dig gesluit. Haar laaste kans op vryheid is die jong student, Jacques, wat in die ontvangslokaal van die klub werk. Maar dan verdwyn hy ook uit die prentjie na ’n raaiselagtige ongeluk in die Drakensberge.

Van Skoolbank tot Bordeelbed is ’n spanningsroman deur Jaco Hough-Coetzee, gebaseer op die aangrypende lewensverhaal van Elanie Kruger.

In die tweede gedeelte van die boek gesels Elanie self met die leser oor haar bittere ervarings. Sy vertel hoe sy haar gevoelens van verlorendheid, alleenheid, pyn en vernedering vanuit ʼn Christelike perspektief leer hanteer het. Sy reik uit na ander gewese seksslagoffers en moedig hulle aan om hul harte uit te stort om emosionele genesing mee te bring. Sy praat oor die krag van vergifnis en aanvaarding, en gee ook lewensbelangrike praktiese wenke aan ouers en kinders.

Brutaal eerlik. ’n Boek wat gelees moet word. Ons durf nie meer ons koppe wegdraai van hierdie en ander soort vergrype nie.
- Anchien Troskie (skrywer van Dis ek, Anna)

Oor die outeurs

Jaco Hough-Cotzee is ’n senior journalis by Huisgenoot/YOU.

Elanie Kruger is in 1977 in Brits gebore. Na jare van disfunksionaliteit binne haar gesin is sy as 16-jarige aangehou as seksslaaf vir 8 maande.

Sy het vir ’n paar jaar na haar ontsnapping en genesing in die korporatiewe sektor gewerk. Sy spandeer nou al haar tyd om praatjies te doen reg oor Suid-Afrika om mense te waarsku teen mensehandel en om ouers en kinders te help. Sy het een dogter en bly in Johannesburg.

Boekbesonderhede